ମହାନ ସଂସ୍କୃତି ଓ ପର୍ବ ପର୍ବାଣି ର ମାଟି ଭାରତ । ବିଭିନ୍ନ ଅଂଚଳର ବିଭିନ୍ନ ଲୋକ ଚଳଣି ।ସେହି ଭିତରୁ କୋଶଳାଞ୍ଚଳ ର ପ୍ରସିଦ୍ଧ ବଇଲ ଯାତ୍ରା । ପ୍ରସିଦ୍ଧ କଲାସି ଯାତ୍ରା ଅନୁଷ୍ଠିତ ହୁଏ ପ୍ରତି ବର୍ଷ କାର୍ତ୍ତିକ ଶୁକ୍ଳ ଦ୍ୱାଦଶୀ ତିଥିରେ, ସୁବର୍ଣ୍ଣପୁର ଜିଲ୍ଲା ଅନ୍ତର୍ଗତ ଡୁଙ୍ଗୁରିପାଲି ଥାନା ଚେରୁପାଲୀ ଗ୍ରାମ ରେ । ଭକ୍ତି ଏବଂ ଶ୍ରଦ୍ଧା ର ଏକ ଅପୂର୍ବ ସମନ୍ୱୟ ଦେଖିବାକୁ ମିଳିଥାଏ ଏହି ଯାତ୍ରା ରେ । ଜଗତ ଜନନୀ ମା ମାହେଶ୍ୱରୀ, ମା ଭୈରବୀ , ମା କନ୍ଧଣୀ ବୁଢ଼ୀ , ମା କାଳୀ, ଶ୍ରୀ ରାମ ଭକ୍ତ ହନୁମାନ , ଶ୍ରୀ ଗଣେଶ ଆଦି ଶକ୍ତି ପୁଞ୍ଜ ତାଙ୍କ ଆଶୀର୍ବାଦ ଦେଇ ଥାନ୍ତି ଭକ୍ତ ଙ୍କୁ  । ଲୋକଙ୍କ ଡାକ ଶୁଣି ଏହି ସମସ୍ତ ଶକ୍ତି ପୁଞ୍ଜ ଆସିଥାନ୍ତି ଧରାଧାମା କୁ ଏବଂ  ଅନେକ ପ୍ରକାର ର ଦୁଃଖ ହରଣ କରିଥାନ୍ତି ଲୋକଙ୍କ । ଆବାଳବୃଦ୍ଧବନିତା ନିଜକୁ ଧନ୍ୟ କରିଥାନ୍ତି ମା ଙ୍କ ଶ୍ରୀ ଚରଣ ରେ । ମାଁ ଙ୍କ ଛତର ଓ ଷୋଳ ଭରଣୀ ର ତାଳେ ତାଳେ ଗାଁ ରୁ ମାଁ ଙ୍କ କାଳିସୀ ବାହାରି ଅଙ୍ଗ ନଦୀ କୁଳ ବାଲିଯାତ୍ରା ପଡିଆ କୁ ଯାଇଥାନ୍ତି । ଓଡିଶା ର ବିଭିନ୍ନ ପ୍ରାନ୍ତ ରୁ ଏକ ଜଣ ସମୁଦ୍ର ଆସିଥାଏ ଏହି ଦିନ ମାଁ ର ପୀଠ କୁ । ଏହି ଗ୍ରାମ ବାସି ସମସ୍ତେ ଏକଜୁଟ ହୋଇ ଅଗନ୍ତୁକଙ୍କ ସେବାରେ ଲାଗିଥାନ୍ତି । ସମସ୍ତଙ୍କ ଘର କୁ ନିଜ ନିଜ ସମ୍ପର୍କୀୟ ଙ୍କ ଆଗମନ ସହିତ ଏକ ସୁନ୍ଦର ବାତାବରଣ ତିଆରି ହୁଏ ଏହି ଦିନ । ଝିଅ ବାହା ହେଇ ପରା ଗାଁ କୁ ଯାଏ,କେବେ ଆସେ ତା ମା ଘରକୁ ତ ସେଠି ପାଇନଥାଏ ତା ପିଲା ବେଳ ର ସାଙ୍ଗ ସାଥି ଙ୍କୁ । କିନ୍ତୁ ଏହି ଦିନ ସେ ସମସ୍ତଙ୍କୁ ଭେଟ କରିଥାଏ ।ତେଣୁ ସେ ଯେଉଁଠି ଥାଉନା କାହିଁକି ସେ ଆସିଥାଏ ଏହି ଦିନ ତା ଗାଁ କୁ । ପୁଅ ପିଲା ତା ଘର ର ଭରଣ ପୋଷଣ ପାଇଁ କାମ କରିବାକୁ ଯାଇଥାଏ ସୁଦୂର ସ୍ଥାନ କୁ ତ ସେ ମଧ୍ୟ ତା ବାଲ୍ୟବନ୍ଧୁ କୁ ଏଠି ହିଁ ସାକ୍ଷାତ କରିଥାଏ । ଜନ୍ମ ରୁ ମାଁ ଆଦିଶକ୍ତି ଙ୍କ ଚାତ୍ରଛାୟା ତଳେ ବଢି ନିଜକୁ ସାହସି ତଥା ସୁରକ୍ଷିତ ଥିବା ବିଶ୍ୱାସ ରଖି ଅତ୍ୟନ୍ତ ଖୁସି ରେ ରହିଥାନ୍ତି ଆଖ ପାଖ ଗାଁ ର ଲୋକ । ସମସ୍ତ ଜନତା ଙ୍କ ସୁଖ ଦୁଃଖ ର ସାଥି ମାଁ ମାହେଶ୍ୱରୀ । ଚଳିତ ବର୍ଷ ଏହି ଯାତ୍ରା ଆସନ୍ତା ନଭେମ୍ବର ୨୪ ତାରିଖ ଦିନ ହେବ । ସମସ୍ତଙ୍କ ଘରେ ଏହି ଯାତ୍ରା ପାଇଁ ସଜବାଜ ଆରମ୍ଭ ହୋଇଗଲାଣି , ପିଲା ଠୁ ବୁଢା ପର୍ଯ୍ୟନ୍ତ ସମସ୍ତେ ଖୁବ ଆନନ୍ଦ ଉଲ୍ଲାସ ର ସହିତ ପାଳନ କରିବାକୁ ଉତ୍ସାହୀ ....