ପରମ ଶକ୍ତିମୟୀ ମାଁ ମେଟାକାନୀ 
ଓଡିଶା ସ୍ଥିତ ସୁବର୍ଣ୍ଣପୁର ଋଷିକ୍ଷେତ୍ର ର ପ୍ରସିଦ୍ଧ ଶକ୍ତି ପୀଠ ମାଁ ମେଟାକାନୀ ଶକ୍ତିପୀଠ । ସୁବର୍ଣ୍ଣପୁର ରୁ ସମ୍ବଲପୁର ରାସ୍ତାରେ ସ୍ୱୟଂ ଶକ୍ତି ମାଁ ମହାମାୟୀ ବିରାଜମାନ କରି ନିଜର ସନ୍ତାନ ଙ୍କ ସମସ୍ତ ଦୁଃଖ ଭୟ ହରଣ କରି ଖୁସି ରେ ରଖିଛନ୍ତି । ନିଜେ ସମସ୍ତ ସନ୍ତାନ ଙ୍କ ଲାଳନ ପାଳନ କରି ଅଭୟ ପ୍ରଦାନ କରୁଛନ୍ତି ମାଁ । ତାଙ୍କ ଦର୍ଶନ କରି ପରମ ଶାନ୍ତି ର ଅନୁଭୂତି ହୁଏ, ଅନୁଭୂତ ହୁଏ ମହା ଆନନ୍ଦ ର । ସମ୍ପୂର୍ଣ୍ଣ ଆନନ୍ଦ, ସଦା ଅଭୟ ତଥା ଅଭୀଷ୍ଟ ସିଦ୍ଧି ଦାତ୍ରୀ ମାଁ ଜଗଜ୍ଜନନୀ ଜଗଦମ୍ବା ନିଜ ସନ୍ତାନ ସନ୍ତତି ଙ୍କୁ ନଜର ରଖିଛନ୍ତି । ତାଙ୍କ ଦିବ୍ୟ କରୁଣା, ଦିବ୍ୟ ଆଶୀର୍ବାଦ ପାଇଁ ଅନେକ ଦୂରରୁ ଦୌଡ଼ି ଆସନ୍ତି ମାଁ ଙ୍କ ଭକ୍ତ । ରାଜ୍ୟ ତଥା ରାଜ୍ୟ ବାହାରୁ ମାଁ ଙ୍କ ପୀଠ ରେ ଖୁବ ଭିଡ ପରିଲକ୍ଷିତ ହୋଇଥାଏ । କେତେ ସୁନ୍ଦର ଉଦ୍ୟାନ, ପିଲାଙ୍କ ପାଇଁ ବୋଟିଂ ର ବ୍ୟବସ୍ଥା ସହିତ ସୁନ୍ଦର ମନୋରମ ପରିବେଶ ଦେଇଥାଏ ଅପାର ଆନନ୍ଦ ।