ମନ୍ଦିର ମାଳିନୀ ସୁବର୍ଣ୍ଣପୁର, ଓଡିଶା ପ୍ରାନ୍ତ ର ଏକ ସୁନ୍ଦର ଓ ମନୋରମ ପରିବେଶ ଭରା ଅଞ୍ଚଳ। ସହର ର ଚାରିପଟେ କୁଳୁକୁଳୁ ହୋଇ ବହି ଯାଇଛି ସ୍ଵଚ୍ଛ ଜଳରାଶି। ଅଷ୍ଟ ଶମ୍ଭୁ, ଅଷ୍ଟ ଚଣ୍ଡି ଅଷ୍ଟ ବିଷ୍ଣୁ ବିରାଜମାନ କରିଛନ୍ତି ଏହି ପାବନ ଭୂମି ରେ । ତିନି ନଦୀ ର ସଙ୍ଗମ ସ୍ଥଳରେ ସୃଷ୍ଟ ତ୍ରିବେଣୀ ସଙ୍ଗମ ରେ ରହିଅଛନ୍ତି ପ୍ରଭୁ ରାମେଶ୍ଵର ମହାଦେବ। ସଙ୍ଗମ ମଧ୍ୟ ସ୍ଥଳରେ ରାମ ଭକ୍ତ ମହାବୀର ହନୁମାନ ବିରାଜମାନ କରିଛନ୍ତି। ଏହି ଧରା ଧାମ୍ ମହା ଯନ୍ତ୍ର୍ର, ମହା ତନ୍ତ୍ର, ମହା ମନ୍ତ୍ର ର ଏକ ପ୍ରମୁଖ ସ୍ଥଳୀ। ଭାରତ ର ଦ୍ଵିତୀୟ ବାରଣାସୀ କୁହାଯାଉଥିବା ଏହି ସହର ରେ ଦେଖିବାକୁ ମିଳେ ଅନେକ ଅଘୋର ସାଧକଙ୍କ ଗହଳି। ବିଶ୍ବାସ ଅଛି ପ୍ରଭୁ ରାମେଶ୍ଵର ମନ୍ଦିର ରେ ସ୍ୱତଃ ଜଳାଭିଷେକ ହୋଇଥାନ୍ତି। ପୁଣି ଏ ପୀଠ କୁ ବ୍ରହ୍ମ୍ ମୁହୂର୍ତ୍ତରେ ଉତ୍ତର ପଟରୁ ସୁକ୍ଷ୍ମ ଶାରୀର ରେ ପ୍ରଭୁ ଙ୍କ ଦର୍ଶନ ପାଇଁ ଆସିଥାନ୍ତି କେତେ ମହାତ୍ମା। ଏହି ଦୃଶ୍ୟ ଦେଖିବାକୁ ବହୁ ଜନସମାଗମ ହୋଇଥାଏ। ଏଠାରେ ଅନେକ ଲୋକଙ୍କୁ ଡଙ୍ଗା ରେ ନଦୀ ଭିତରେ ବୁଲେଇ ଥାଆନ୍ତି, ନାଉରିଆ ଖଗେଶ୍ଵର ମହାଲିଙ୍ଗ। କେତେ ସୁନ୍ଦର୍ ସୁନ୍ଦର୍ ଗୀତ ଗପ ର ସହ ନଦୀ ଭିତରେ ବୁଲେଇ ଥାଆନ୍ତି ସେ। ଦୀର୍ଘ ୩୫ ବର୍ଷ ହେଲା ଏହି ଘାଟ ଉପରେ ଡଙ୍ଗା ଚଳେଇବା ର ଅଭିଜ୍ଞତା ସହ ସୁନ୍ଦର୍ ସୁମଧୁର ଗୀତ ର ତାଳେ ତାଳେ ଚାଲେ ମହାଲିଙ୍ଗ ଡଙ୍ଗା ବାଳା । ଏହି ପବିତ୍ର ମନୋରମ ପରିବେଶ କୁ ଆସିବା ପାଇଁ ସମସ୍ତ୍ ପ୍ରକାର ସୁବିଧା ଉପଲବ୍ଧ ଅଛି। ସମ୍ବଲପୁର, ରେଢ଼ାଖୋଲ ତଥା ବଲାଙ୍ଗୀର ରେଳ ଷ୍ଟେସନ ରୁ ସମାନ ୬୦ କି ମି ଦୂରତା ମାତ୍ର।