ବରଗଡ଼ରୁ ସମ୍ବଲପୁର ଯିବା ରାସ୍ତାରେ ବାର୍ହାଗୁଡା ଛକ ନିକଟରେ ପଡେ ମାଁ ପଁର୍ରାପାଟ ମନ୍ଦିର। ମହାମାୟା ଜଗଦମ୍ବା ମାତେଶ୍ୱରୀ ଙ୍କ ପୂଜା ଅର୍ଚନା କରାଯାଏ ଏହି ମନ୍ଦିର ରେ। କାହିଁ କେତେ କାଳରୁ ଏହି ସ୍ଥାନରେ ଦେବୀ ମାଁ ବିରାଜମାନ କରି ଆମ ଉପରେ ଅନେକ କୃପା ଦୃଷ୍ଟି ରଖିଛନ୍ତି। ଆମ ସୁଖ ଦୁଃଖ ର ଗୁହାରି ଶୁଣନ୍ତି ମାଁ। ଜୀବନ୍ତ ଠାକୁରାଣୀ ହେଉଛନ୍ତି ମାଁ। ମାତୃଶକ୍ତି ଙ୍କ ଆଶିର୍ବାଦ ରୁ କେତେ ଲୋକ ଙ୍କ କଲ୍ଯାଣ ହେଉଛି। ମହାଦେବୀ ଙ୍କ ଦର୍ଶନ କରିଥିବା ସମସ୍ତ ଲୋକ ଙ୍କ ମୁହଁରେ ଗୋଟିଏ କଥା, ମୋର ଆତ୍ମା ତୃପ୍ତି ହୋଇଗଲା। ମହାମାୟା ଙ୍କ ଅପାର କୃପା ରୁ ସମସ୍ତ ରୋଗ ବ୍ୟାଧି, ଦୁଃଖ, ଯନ୍ତ୍ରଣା ରୁ ମୁକ୍ତି ମିଳୁଥିବା ଶୁଣାଯାଏ। ପ୍ରତିବର୍ଷ ଦଶହରା ଏବଂ ଚୈତ୍ରମାସ ରେ ନବରାତ୍ରୀ ପୂଜା ଖୁବ୍ ଧୁମ୍ ଧାମ୍ ରେ ପାଳନ କରାଯାଏ ଏହି ପୀଠରେ। ଜୁଗାର ଯାତ୍ରା ସମୟରେ ବେଶ ସରଗରମ ହୋଇଉଠେ ଏହି ପୀଠ। ସାରା ଜୀବନ ମାଁ ଙ୍କ ଆଶିର୍ବାଦ ରୁ ସୁଖ ଶାନ୍ତି ରେ ରହିବା ପାଇଁ ଅନେକ ଲୋକ ଏହି ମନ୍ଦିର ପ୍ରାଙ୍ଗଣରେ ବିବହ, ବ୍ରତ, ଅନ୍ନପ୍ରାଶନ, ନାମକରଣ ଆଦି କାର୍ଯ୍ୟକ୍ରମ ମଧ୍ୟ କରନ୍ତି। ମାଁ ଙ୍କ ଆଶିର୍ବାଦ ପ୍ରାପ୍ତି ପାଇଁ ରାଜ୍ଯ ତଥା ରାଜ୍ଯ ବାହାରୁ ମଧ୍ୟ ଲୋକଙ୍କର ସମାବେଶ ଦେଖିବାକୁ ମିଳେ। ଆଜି ହିଁ ଚାଲନ୍ତୁ ଯିବା ମାଁ ଙ୍କ ଆଶିର୍ବାଦ ନେବା।
ସୁମିତ ସେଠ